နိုင်ငံတကာငွေကြေးရံပုံငွေအဖွဲ့ IMFဟာ အဆင်းရဲဆုံးနိုင်ငံတွေကို ဘဏ္ဍာရေး လိုက်လျောကူညီမှု သုံးဆတိုးဖို့ ရှိသမျှ ရင်းမြစ်တွေ အားလုံးကို ထိထိရောက်ရောက် အသုံးချသွားမယ်လို့ IMFရဲ့ စီမံခန့်ခွဲရေး ဒါရိုက်တာ ခရစ်တာလီနာဂျော်ဂျီဗာက  ပြောပါတယ်။

ဆင်းရဲတဲ့နိုင်ငံတွေ အကြွေးဆပ်ရမယ့် အချိန်ကို ဆိုင်းငံ့ပေးတဲ့ ကမ္ဘာ့စီးပွားရေး အင်အားကြီးနိုင်ငံ ၂၀အဖွဲ့ G20 ရဲ့ ကြွေးမြီသက်သာခွင့် ပြုရေး သဘောတူညီချက်အသစ်နဲ့ ကမ္ဘာ့ဘဏ် အကြီးအကဲတို့ကိုလည်း သူက ချီးကျူးပါတယ်။

IMF

ဆင်းရဲတဲ့နိုင်ငံတွေအတွက် ဆင်းရဲမွဲတေမှုလျော့ချရေးနဲ့ ကြီးပွားတိုးတက်မှုအတွက် ယုံမှတ်အပ်နှံငွေအတွက် ရင်းမြစ်သစ် အနေနဲ့ အမေရိကန် ဒေါ်လာ ၁၈ဘီလီယံ အမြန်ရရေး IMF က ကြိုးစားနေတယ်လို့ သူက G20 ခေါင်းဆောင်များ အစည်းအဝေး ကြေညာချက်ထဲမှာ ပြောထားပါတယ်။

ဒီလုပ်ဆောင်ချက်တွေဟာ ကိုရိုနာဗိုင်းရပ်စ် ကူးစက်ကပ်ဘေးကြောင့် ကမ္ဘာ့စီးပွားရေး အနက်ရှိုင်းဆုံး ထိုးကျနေချိန်မှာ ကမ္ဘာ့စီးပွားရေးကို ပြန်တက်လာအောင် လှုံ့ဆော်ဖို့ အားထုတ်မှု တွေရဲ့ အစိတ်အပိုင်း ဖြစ်တယ်လို့လည်း ရိုက်တာသတင်းဌာနက ရေးပါတယ်။

ယခုသတင်းကို DVB Multimedia Group ထံမှ တရားဝင်ဝယ်ယူပြီး ပြန်လည်ဖော်ပြပါသည်

Leave a Comment

Your email address will not be published. Required fields are marked *